Mánudagurinn 24. apríl

Námskeið fyrir leikskólanemendur 2016 - 2017

Hér að neðan eru tilgreind þau námskeið sem fræðsludeild (FHG) býður leikskólum upp á á komandi skólaári. Námsframboð í FHG er ekki ótakmarkað. Eins og gefur að skilja þarfnast námskeiðin mismunandi aðstöðu. Tíðni námskeiða og fjöldi þátttakenda takmarkast m.a. af aðstöðu hjá dýrunum, af fjölda dýra og hversu oft raunhæft er að sinna dýrunum og handfjatla þau.

Starfsfólk fræðsludeildar FHG tekur á móti pöntunum og sýnir reynsla undanfarinna ára að öruggast er að panta tímanlega. Ef kennari sér fram á að geta ekki nýtt sér námskeið vegna fjölda nemenda, aðgengis o.s.frv. hvetjum við viðkomandi til þess að hafa samband, ræða málin og við reynum að finna lausn.

Sláið á þráðinn í síma 411-5900 eða sendið tölvupóst á This e-mail address is being protected from spambots. You need JavaScript enabled to view it.

Ókeypis fyrir leikskóla Reykjavíkur.  

Núgildandi samningur milli Skóla- og frístundasviðs Reykjavíkur (SFS) og Fjölskyldu- og húsdýragarðsins (FHG) gerir leik- og grunnskólum borgarinnar kleift að nýta sér fræðslustarf FHG og aðgang að garðinum án endurgjalds á skólatíma.  Opið er í FHG frá kl. 10 til 17 alla daga en tekið er á móti hópum í leiðsagnir utan opnunartíma skv. samkomulagi.  Skólar utan Reykjavíkur greiða skv. gjaldskrá sem er að finna aftast í textanum.  

Húsdýrin okkar.  

Í Fjölskyldu- og húsdýragarðinum er að finna öll helstu húsdýr okkar Íslendinga.  Við bjóðum leikskólanemendum að koma og heimsækja þau, kynnast einstaklingum sem hér búa og fræðast um fjölskyldugerð þeirra, helstu nytjar og líkamseinkenni.  Hámarksfjöldi á hvern leiðsögumann er 20 nemendur og við getum tekið á móti tveimur hópum í einu á öllum aldri. 

Hugrakkir krakkar.

Það eru ekki bara hefðbundin húsdýr sem búa í garðinum því hér er einnig að finna skordýr, froskdýr og skriðdýr.  Við bjóðum hugrökkum krökkum að kynnast þeim betur og þeim allra hugrökkustu bjóðum við að handfjatla skordýrin sem það þola.  Hámarksfjöldi á hvern leiðsögumann er 10 nemendur og við getum tekið á móti tveimur hópum í einu á öllum aldri þó þessi heimsókn henti þeim eldri betur. 

Almennar eða sérsniðnar leiðsagnir.

Allir aldurshópar geta komið í garðinn og fengið leiðsögn sem tekur u.þ.b. klukkustun.  Ef verið er að taka eitthvað ákveðið fyrir í skólanum s.s. sauðkindina, fugla og þess háttar er um að gera að setja sig í samband við fræðsludeildina.  Hámark 20 nemendur í hóp og getum tekið 2-3 hópa í einu.

 

Gjaldskrá fyrir leikskóla utan Reykjavíkur 

Húsdýrin okkar.

4.000  krónur á hóp + aðg.eyrir.

Hámark 20 nemendur í hóp og getum tekið 2 hópa í einu.

Hugrakkir krakkar.

4.000 krónur á hóp + aðg.eyrir.

Hámark 10 nemendur í hóp og getum tekið 2 hópa í einu.

Almennar eða sérsniðnar leiðsagnir fyrir alla aldurshópa.

Verð mismunandi eftir lengd leiðsagnar  + aðg.eyrir.

Hámark 20 nemendur í hóp og getum tekið 2-3 hópa í einu.

 

 

Athugið

Ekki er leyfilegt að koma með gæludýr inn í garðinn.

Öll umferð hjóla, hlaupahjóla, skauta, hjólabretta og annarra slíkra farartækja er óheimil innan garðsins.

Pets are not allowed in the park.

Bicycles, scooters, skates, skateboards and other such vehicles are not allowed inside the park.

Skemmtimiðar

Skemmtimiðar 

1 miði 320 kr
10 miðar 2.550 kr
20 miðar 4.750 kr
Dagpassi 2.200 kr*

*Aðgangseyrir er ekki innifalinn í verði dagpassa.

Aðgangseyrir

Börn 0-4 ára - frítt
Börn 5-12 ára - 650 kr
13 ára og eldri - 860 kr
Öryrkjar - frítt
Ellilífeyrisþegar - frítt
 
Veittur er 10% afsláttur af aðgangseyri ef greitt er fyrir 10 eða fleiri í einu.
 
Einstaklingsárskort - 9.800 kr
Fjölskylduárskort - 19.200 kr
 
Plús* á Fjölskylduárskort - 9.800 kr hver plús 
*(Plús - bjóddu hverjum sem er með í garðinn)

Opnunartími

Opið er alla daga frá 10-17

 

Opnunartími Kaffihúss:

Virkir dagar: 10-16:30

Helgar: 10-16:30