Föstudagurinn 24. mars

Námskeið fyrir grunnskólanemendur 2016 -2017

Hér að neðan eru tilgreind þau námskeið sem fræðsludeild (FHG) býður grunnskólum upp á á komandi skólaári.  Námsframboð í FHG er ekki ótakmarkað. Eins og gefur að skilja þarfnast námskeiðin mismunandi aðstöðu. Tíðni námskeiða og fjöldi þátttakenda takmarkast m.a. af aðstöðu hjá dýrunum, af fjölda dýra og hversu oft raunhæft er að sinna dýrunum og handfjatla þau.

Starfsfólk fræðsludeildar FHG tekur á móti pöntunum og sýnir reynsla undanfarinna ára að öruggast er að panta tímanlega. Ef kennari sér fram á að geta ekki nýtt sér námskeið vegna fjölda nemenda, aðgengis o.s.frv. hvetjum við viðkomandi til þess að hafa samband, ræða málin og við reynum að finna lausn.

Sláið á þráðinn í síma 411-5900 eða sendið tölvupóst á This e-mail address is being protected from spambots. You need JavaScript enabled to view it.

Unnur Sigurþórsdóttir og Lilja Björk Vilhelmsdóttir.

Fræðsludeild Fjölskyldu- og húsdýragarðsins.

 

Ókeypis fyrir grunnskóla Reykjavíkur.

Núgildandi samningur milli Skóla- og frístundasviðs Reykjavíkur (SFS) og Fjölskyldu- og húsdýragarðsins (FHG) gerir leik- og grunnskólum borgarinnar kleift að nýta sér fræðslustarf FHG og aðgang að garðinum án endurgjalds á skólatíma.  Opið er í FHG frá kl. 10 til 17 alla daga en tekið er á móti hópum í leiðsagnir utan opnunartíma skv. samkomulagi.  Skólar utan Reykjavíkur greiða skv. gjaldskrá sem er að finna aftast í textanum. 

Yngsta stig 1. til 4.bekkur.

Húsdýrin, nytjar þeirra og lifnaðarhættir

Í flestum grunnskólum er fjallað um húsdýrin í 3. bekk.  Þess vegna bjóðum við upp á dýrafræðslu fyrir þennan aldurshóp þar sem áhersla lifnaðarhætti dýranna og nytjar okkar af þeim.  Þetta námskeið sem er í leiðsagnarformi tekur klukkutíma.  Hámark 26 nemendur í hóp og getum tekið 2-3 hópa í einu.

Almenn eða sérsniðin leiðsögn.

Allir aldurshópar geta komið í garðinn og fengið leiðsögn sem tekur u.þ.b. klukkustund.  Ef verið er að taka eitthvað ákveðið fyrir í skólanum er um að gera að setja sig í samband við fræðsludeildinaHámark 26 nemendur í hóp og getum tekið 2 hópa í einu.

 

Miðstig 5. til 7.bekkur.

Vinnumorgunn fyrir 6.bekk

Í vinnumorgni fá nemendur tækifæri til að koma og taka þátt í umhirðu dýranna og fá um leið ítarlega fræðslu um dýrin og landbúnaðarstörf.  Unnið er í þremur hópum í vinnumorgni, einn í fjósi, annar í hest- og fjárhúsi og sá þriðji við villtu dýrin.  Í lok námskeiðisins útbúa og flytja nemendur kynningu á sínum dýrum fyrir alla hópana.  Vinnumorgnar eru í boði á þriðjudögum og fimmtudögum.  Nemendur mæta klukkan 07:45 og er námskeiðinu lokið um klukkan 11:00. Þetta námskeið hefur staðið nemendum til boða frá 1990 og hefur verið vinsælasta námskeiðið í garðinum frá þeim tíma.  Hægt er að panta kakó og vöfflur og kostar það 350 krónur á mann og taka þarf sérstaklega fram ef óskað er eftir þessari þjónustu þegar pantað er eða tilkynna það í síðasta lagi viku fyrir heimsókn. Hámark 24 nemendur á hvern vinnumorgunn.

Dýrin og skynfærin fyrir 7.bekk.

Á þessu námskeiði sem er á leiðsagnarformi heimsækjum við bæði villt dýr og húsdýr og veltum fyrir okkur hvernig þau skynja umhverfi sitt á mismunandi hátt.  Að auki gaukum við að nemendum öðrum fróðleik um dýrin.  Hámark 26 nemendur í hóp og getum tekið 2 hópa í einu.

Almenn eða sérsniðin leiðsögn.

Allir aldurshópar geta komið í garðinn og fengið leiðsögn sem tekur u.þ.b. klukkustund.  Ef verið er að taka eitthvað ákveðið fyrir í skólanum er um að gera að setja sig í samband við fræðsludeildina.  Hámark 26 nemendur í hóp og getum tekið 2 hópa í einu.

 

Elsta stig 8. til 10.bekkur.

Framandi dýr.  

Á þessu námskeiði leika skriðdýr, froskdýr og framandi skordýr aðalhlutverkið. Rætt er um vistkerfi þeirra og aðlögunarhæfni auk þess sem dýrin eru að sjálfsögðu skoðuð.  Námskeiðið tekur klukkutíma. Hámark 20 nemendur í einu.  Hámark 20 nemendur í hóp og einn hópur í einu.

Villt íslensk spendýr.

Spennandi námskeið fyrir elstu nemendur grunnskóla.  Á þessu námskeiði er farið ítarlega í lifnaðarhætti og atferli villtra íslenskra spendýra.  Námskeiðið tekur um klukkutíma og er í formi leiðsagnar. Hámark 26 nemendur í hóp og getum tekið 2 hópa í einu.

Almenn eða sérsniðin leiðsögn.

Allir aldurshópar geta komið í garðinn og fengið leiðsögn sem tekur u.þ.b. klukkustund.  Ef verið er að taka eitthvað ákveðið fyrir í skólanum er um að gera að setja sig í samband við fræðsludeildina.  Hámark 26 nemendur í hóp og getum tekið 2 hópa í einu.

 

Gjaldskrá fyrir skóla utan Reykjavíkur.

 

Húsdýrin, nytjar þeirra og lifnaðarhættir fyrir 3.bekk.

5.000 krónur á hóp + aðg,eyrir.

Hámark 26 nemendur í hóp og getum tekið 2 hópa í einu.

Vinnumorgunn fyrir 6.bekk.

8.500 krónur á hóp + aðg.eyrir.

Hámark 24 nemendur í hóp og einn hópur í einu.

Dýrin og skynfærin fyrir 7.bekk.

5.000 krónur á hóp + aðg,eyrir.

Hámark 26 nemendur í hóp og getum tekið 2 hópa í einu.

Villt íslensk spendýr fyrir elsta stig.

5.000 krónur á hóp + aðg.eyrir.

Hámark 26 nemendur í hóp og getum tekið 2 hópa í einu.

Framandi dýr fyrir elsta stig.

5.000 krónur á hóp + aðg.eyrir.

Hámark 20 nemendur í hóp og einn hópur í einu.

Almennar eða sérsniðnar leiðsagnir fyrir alla aldurshópa.

5.000 krónur á hóp + aðg.eyrir.

Hámark 26 nemendur í hóp og getum tekið 2 hópa í einu.

Athugið

Ekki er leyfilegt að koma með gæludýr inn í garðinn.

Öll umferð hjóla, hlaupahjóla, skauta, hjólabretta og annarra slíkra farartækja er óheimil innan garðsins.

Pets are not allowed in the park.

Bicycles, scooters, skates, skateboards and other such vehicles are not allowed inside the park.

Skemmtimiðar

Skemmtimiðar 

1 miði 320 kr
10 miðar 2.550 kr
20 miðar 4.750 kr
Dagpassi 2.200 kr*

*Aðgangseyrir er ekki innifalinn í verði dagpassa.

Aðgangseyrir

Börn 0-4 ára - frítt
Börn 5-12 ára - 650 kr
13 ára og eldri - 860 kr
Öryrkjar - frítt
Ellilífeyrisþegar - frítt
 
Veittur er 10% afsláttur af aðgangseyri ef greitt er fyrir 10 eða fleiri í einu.
 
Einstaklingsárskort - 9.800 kr
Fjölskylduárskort - 19.200 kr
 
Plús* á Fjölskylduárskort - 9.800 kr hver plús 
*(Plús - bjóddu hverjum sem er með í garðinn)

Opnunartími

Opið er alla daga frá 10-17

 

Opnunartími Kaffihúss:

Virkir dagar: 10-16:30

Helgar: 10-16:30