Mánudagurinn 24. apríl

Iðavöllur

Iðavöllur tekin í notkun á 26 ára afmæli Húsdýragarðsins

Svæði í Fjölskyldugarðshluta FHG hefur verið í endurbótum síðustu misseri. Svæðið hefur verið nú verið opnað að fullu og er um að ræða sullu og sandsvæði þar sem fólk á öllu maldri ætti að una sér vel. Árið 1990 þann 19.maí  var Húsdýragarðurinn opnaður og  um þremur árum síðar Fjölskyldugarðurinn. Nú 26 árum síðar er enn verið að opna nýjungar og um leiðfjölbreyttari afþreyingu. Einunnarorð garðsins hafa frá upphafi verið: að sjá, að læra, að vera og að gera. Má með sanni segja að þessi einkunnarorð eigi vel við á þessu svæði sem fengið hefur nafnið Iðavöllur. Samkvæmt norrænni goðafræði er Iðavöllu samkomustaður goðanna og eiga Æsir að hittast þar eftir ragnarök.

Strax og FHG var opnaður í morgun var fjöldi barna á ýmsum aldri mættur ásamt kennurum sínum.  Eftir að hafa fræðst um dýrin stór og smá skelltu þau sér í leik á nýja svæðinu. Meðfylgjandi myndir eru af  börnum af leikskólanum Holtakoti og öðrum gestum sem nutu veðurblíðunnar. 

 

 

         

                                                                                            

 

      

Dýranámskeið sumarið 2016 - fullbókuð

Dýranámskeið fyrir 10-12 ára

Sumarið 2016 - fullt er orðið á öll námskeið og biðlista 

DÝRANÁMSKEIÐ Í FJÖLSKYLDU- OG HÚSDÝRAGARÐINUM

Námskeiðið stendur 10–12 ára krökkum (f. 2004–2006) til boða í sumar en þó með örlítið breyttu sniði miðað við undanfarin ár og helsta breytingin er að námskeiðið er frá kl. 9 til 12 í stað 10 til 15 áður og ekki er matur innifalinn.  Á námskeiðinu vinna krakkarnir með dýr garðsins og námskeiðið því upplagt fyrir krakka sem áhuga hafa á dýrum almennt. Þau taka þátt í verkum í fjárhúsi, hesthúsi, svínastíu og meðal villtu dýranna.  Auk þess eru framandi dýr heimsótt. 

Hvern dag gefst krökkunum tækifæri á að kíkja inn fyrir girðinguna hjá einhverri dýrategund og komast þá í mikið návígi við dýrin og getur það verið mjög spennandi. Námskeiðið er fimm virkir dagar og hefst kl. 9:00 og lýkur kl. 12.00.  Eftir að námskeiði lýkur geta þátttakendur dvalið í garðinum þar til honum er lokað kl. 18:00. Á lokadegi námskeiðsins fá þátttakendur dagpassa í leiktæki Fjölskyldugarðsins. Það komast 10 krakkar að í hverri viku. 

Skráning fer fram í gegnum vefinn www.fristund.is en til að geta skráð þurfa forráðamenn (þeir sem skrá) að hafa íslykil eða rafræn skilríki og kennitölur þátttakenda og forráðamanna á hreinu.  Skráning hefst kl. 8:20 mánudaginn 25.apríl.  Undanfarin ár hafa námskeiðin verið gríðar vinsæl og fyllst fljótt. 

Námskeið       Tímabil
1. námskeið:    13. til 16.  júní (4 daga námskeið)  - fullt, ekki hægt að skrá á biðlista
2. námskeið:    20. til 24. júní - fullt, ekki hægt að skrá á biðlista
3. námskeið:    27.júní til 1.júlí  - fullt, ekki hægt að skrá á biðlista
4. námskeið:    4. til 8. júlí - fullt, ekki hægt að skrá á biðlista 
5.námskeið:     11. til 15.júlí  - fullt, ekki hægt að skrá á biðlista 
6.námskeið:     18. til 22. júlí - fullt, ekki hægt að skrá á biðlista
7.námskeið:     25. til 29. júlí - fullt, ekki hægt að skrá á biðlista
8.námskeið:     2. til 5.ágúst  (4 daga námskeið) - fullt, ekki hægt að skrá á biðlista
9.námskeið:     8. til 12. ágúst- fullt, ekki hægt að skrá á biðlista

SKRÁNING
Þátttökugjald er 17.500 krónur og veittur er 20% systkinaafsláttur.  Þátttökugjald fyrir 4 daga námskeið er 14.000 krónur. 

Innifalið í þátttökugjaldi er skemmtileg og lifandi fræðsla þar sem dýr garðsins koma mikið við sögu og dvöl í garðinum allan daginn auk dagpassa í leiktækin síðasta daginn.  

Snudduhornið í Fjósinu

Eins og margir gestir Fjölskyldu- og húsdýragarðsins eflaust vita er að finna upp á vegg í fjósinu horn af hreindýrstarfi þar sem snuddubörn sem ákveðið hafa að hætta með snuðin sín geta skilið snuðin eftir og gefið ungviði garðsins. Þessi siður kemur frá Skandinavíu en í nágrannalöndunum er notast við ýmiskonar tré utandyra. 

Á hverju ári safnast þó nokkur fjöldi af snuðum á hornin og hafa börn sem ekki búa á höfuðborgarsvæðinu sent snuðin með pósti og starfsfólk garðsins svo komið snuðunum á réttan stað í fjósinu. Allur gangur er á því hvernig börnin ákveða að gefa snuðin sín og sum skrifa stutta kveðju eða teikna mynd og setja með snuðunum. Í langflestum tilfellum er tekin mynd. Á sínum tíma var samin saga um Snudduhornið í Fjölskyldu- og húsdýragarðinum sem fylgir hér á eftir: 

Sagan um snudduhornið.

Einu sinni var lítill kálfur sem bjó í björtu fjósi með mömmu sinni og pabba og nokkrum öðrum kúm. Hann vissi það ekki sjálfur en hann bjó einmitt í Húsdýragarðinum.  

Kálfurinn var voða lítill þegar hann fæddist og gat ekki staðið en mamma hans sleikti hann vel og þurrkaði og hvatti hann til að standa á fætur. Loks tókst það og litli kálfurinn var ósköp svangur og langaði að fá mjólk að drekka. Hvar ætli ég fái nú mjólkursopa? hugsaði litli kálfurinn. Einmitt þá kom dýrahirðirinn sem hugsar um kýrnar með fullan pela af volgri mjólk sem mjólkuð hafði verið úr mömmu hans. Kálfurinn drakk og drakk og varð saddur en honum fannst samt eitthvað vanta. 

Einn daginn kom lítill strákur að skoða kálfinn. Hann klappaði kálfinum mjög blíðlega og talaði við hann. Ég heiti Skúli sagði strákurinn við kálfinn. Hvað heitir þú?Ég heiti nú bara kálfur því ég er svo lítill ennþá svaraði kálfurinn og lygndi aftur augunum því honum fannst svo gott að láta Skúla strjúka sér. En hvað er þetta annars sem þú ert með í munninum Skúli spurði kálfurinn og spenntist allur upp. Er þetta peli, ég er nefninlega að verða svangur. Nei, nei svaraði Skúli þetta er kallað snudda.  Æ, hvað ég vildi að ég ætti svona snuddu kjökraði kálfurinn. Skúla fannst leiðinlegt hvað kálfurinn var dapur og sagði Núna er ég orðinn svo stór að ég hætti bráðum að nota svona snuddu. Svo spurði Skúli mömmu sína og pabba hvort hann mætti ekki gefa kálfinum litla snudduna sína, hann væri hvort sem er eiginlega alveg hættur að nota hana. Þau fóru þá öll og töluðu við dýrahirðinn sem hugsaði um kýrnar sem fékk snudduna hans Skúla og geymdi hana. 

Svo um kvöldið þegar kálfurinn var búinn að fá mjólkina sína kom dýrahirðirinn með snudduna og þá uppgötvaði kálfurinn hvað það var sem honum hafði allaf fundist vanta ; það var einmitt svona snudda. Svo sofnaði hann sæll og glaður með snudduna sem Skúli gaf honum. Þegar hann fór út daginn eftir hitti hann nokkur lömb og sagði þeim hvað Skúli hafði verið góður að gefa honum snudduna sína. Og þó að lömbin fengju öll að drekka mjólk hjá mömmu sinni langaði þau líka að fá svona snuddu.  Mæður lambanna, ærnar, töluðu við dýrahirðana sem hugsa um dýrin í Húsdýragarðinum og fyrr en varði voru börn víðs vegar að búin að gefa lömbunum snuddur sem þau voru hætt að nota og allir grísirnir áttu líka fallegar snuddur. Að lokum varð að setja upp horn sem hreindýratarfurinn gaf til að geyma allar snuddurnar á. Dýrahirðarnir í Húsdýragarðinum láta öll dýr sem eru lítil og vilja fá snuddu, fá eina af horninu á kvöldin þegar þau fara að sofa.

Ef Skúli saknaði snuddunnar sinnar, hugsaði hann bara um litla kálfinn sem þótti svo gott að fá snuddu því hann var svo lítill.

 
 

Vegleg gjöf frá heilbrigðistæknifyrirtækinu Össuri til FHG

Fjölskyldu –og húsdýragarðurinn er afar vinsæll afþreyingastaður fyrir börn og ekki hvað síst fyrir börn með sérþarfir. Hestarnir eru á meðal þeirra dýra sem eru hvað mest eftirsóknarverð og frá því að garðurinn var opnaður árið 1991, hefur börnum gefist kostur á að fara á hestbak. Hingað til hefur ekki verið mögulegt að bjóða börnum á hestbak sem eiga við mikla hreyfihömlun að stríða. Vakning hefur orðið í þessum málum og stendur vilji starfsmanna FHG til þess að bæta aðgengi fatlaðra barna og gera þeim kleift að njóta garðsins á sama hátt og önnur börn. 

Hallveig Guðmundsdóttir dýrahirðir hafði fyrir nokkrum misserum frumkvæði að leita til heilbrigðistæknifyrirtækisins Össurar hf með von um samstarf enda hafa þau þar á bæ góða þekkingu til þessa málaflokks. Skemmst er frá því að segja að gengið var að samstarfinu og eru tveir hnakkar af gerðinni Seifur sem er sérsmíðaður fyrir börn með sérþarfir væntanlegir í garðinn.  Hnakkarnir eru smíðaðir af Brynjólfi Guðmundssyni söðlasmiði í Hlöðutúni í Stafholtstungum.  Á morgunn þriðjudag (18.ágúst) kl. 11:00 fær Hallveig fyrir hönd garðsins hnakkana afhenda.  Seifur verður strax prufukeyrður af nokkrum börnum frá Íþróttasambandi fatlaðra sem hafa í sumar sótt hestanámskeið.  

Kettirnir Grágoggur og Fiðla

Í töluvert langan tíma hafa kettir verið í Fjölskyldu- og húsdýragarðinum. Hlutverk þeirra hefur verið tvíþætt: að sýna sig og knúsa gesti en aðallega hafa þær verið besta lausnin til að halda niðri músagangi sem óhjákvæmilega fyrir dýrahaldi. Kisurnar hafa langflestar komið frá Kattholti, Kattavinafélagi Íslands. Kisurnar sem búa í garðinum hafa aðgang að húsnæði þar sem þær fá að éta, drekka og hvíla sig jafnt frá músaveiðum og gestum.

Í sumar fluttu læðan Fiðla og högninn Grágoggur frá Kattholti í Fjölskyldu- og húsdýragarðinn. Fyrir var að störfum læðan Lafði Tabby en þó hún hafi verið öll að vilja gerð þá þurfti hún samstarfsfélaga. Grágoggur og Fiðla héldu sig til hlés fyrst um sinn en eru nú öll að sækja í sig veðrir og sinna músaveiðum af stakri snilld. Fiðla og Grágoggur mynduðu vinatengsl á fyrstu dögunum sínum á nýju heimili og nú éta þau, kúra og vinna oftast saman. 

       

Athugið

Ekki er leyfilegt að koma með gæludýr inn í garðinn.

Öll umferð hjóla, hlaupahjóla, skauta, hjólabretta og annarra slíkra farartækja er óheimil innan garðsins.

Pets are not allowed in the park.

Bicycles, scooters, skates, skateboards and other such vehicles are not allowed inside the park.

Skemmtimiðar

Skemmtimiðar 

1 miði 320 kr
10 miðar 2.550 kr
20 miðar 4.750 kr
Dagpassi 2.200 kr*

*Aðgangseyrir er ekki innifalinn í verði dagpassa.

Aðgangseyrir

Börn 0-4 ára - frítt
Börn 5-12 ára - 650 kr
13 ára og eldri - 860 kr
Öryrkjar - frítt
Ellilífeyrisþegar - frítt
 
Veittur er 10% afsláttur af aðgangseyri ef greitt er fyrir 10 eða fleiri í einu.
 
Einstaklingsárskort - 9.800 kr
Fjölskylduárskort - 19.200 kr
 
Plús* á Fjölskylduárskort - 9.800 kr hver plús 
*(Plús - bjóddu hverjum sem er með í garðinn)

Opnunartími

Opið er alla daga frá 10-17

 

Opnunartími Kaffihúss:

Virkir dagar: 10-16:30

Helgar: 10-16:30