Dýranámskeið 2019

Sauðfé kemur við sögu

Dýranámskeið Fjölskyldu- og húsdýragarðsins hafa notið mikilla vinsælda undanfarin sumur en þau eru fyrir krakka fædd á árunum 2007 til 2009 og eru viku í senn.  Skráning hefst fimmtudaginn 11.apríl kl. 10 á síðunni www.fristund.is en þar má einnig finna allar nánari upplýsingar um námskeiðin sem og fleiri sem í boði eru í borginni og víðar í sumar.  

Námskeiðið stendur 10 til 12 ára krökkum (f. 2007 til 2009) til boða í sumar (2019).  Á námskeiðinu vinna krakkarnir með dýr garðsins og námskeiðið því upplagt fyrir krakka sem áhuga hafa á dýrum almennt. Þau taka þátt í verkum í fjárhúsi, hesthúsi, svínastíu og meðal villtu dýranna. Auk þess eru framandi dýr heimsótt.

Hvern dag gefst krökkunum tækifæri á að kíkja inn fyrir girðinguna hjá einhverri dýrategund og komast þá í mikið návígi við dýrin og getur það verið mjög spennandi. Námskeiðið er fimm virkir dagar (4 dagar þar sem almennir frídagar eru)  og hefst kl. 9:00 og lýkur kl. 12.00. Eftir að námskeiði lýkur geta þátttakendur dvalið í garðinum þar til honum er lokað kl. 18:00. Á lokadegi námskeiðsins fá þátttakendur dagpassa í leiktæki Fjölskyldugarðsins. Það komast 12 krakkar að í hverri viku.

Skráning fer eingöngu fram í gegnum vefinn www.fristund.is en til að geta skráð þurfa forráðamenn (þeir sem skrá) að hafa íslykil eða rafræn skilríki og kennitölur þátttakenda og forráðamanna á hreinu.

Skráning hefst kl. 10:00 fimmtudaginn 11.apríl. Undanfarin ár hafa námskeiðin verið gríðar vinsæl og fyllst fljótt.

Námskeið        Tímabil

1. námskeið:   11. til 14. júní (4 dagar)

2. námskeið:   18. til 21. júní (4 dagar)

3. námskeið:   24. til 28.júní

4. námskeið:   1. til 5. júlí

5.námskeið:   8. til 12.júlí

6.námskeið:   15. til 19. júlí

7.námskeið:   22. til 26. júlí

8.námskeið:   29.júlí til 2.ágúst

9.námskeið:   6. til 9. ágúst (4 dagar)

10.námskeið: 12. til 16.ágúst

SKRÁNING

Þátttökugjald er 18.400 krónur og veittur er 20% systkinaafsláttur. Þátttökugjald fyrir 4 daga námskeið er 14.700 krónur.

Innifalið í þátttökugjaldi er skemmtileg og lifandi fræðsla þar sem dýr garðsins koma mikið við sögu og dvöl í garðinum allan daginn auk dagpassa í leiktækin síðasta daginn.