Vísindasmiðjan í Fjölskyldu- og húsdýragarðinum

Vísindasmiðjan

Vísindasmiðja Háskóla Íslands er á faraldsfæti og setur upp farandsýningu í Fjölskyldu- og húsdýragaðinum sunnudaginn 27.ágúst. Tilefnið er fjölskylduhátíð Verkfræðingafélagsins, sem býður til dagskrár fyrir alla fjölskylduna 27.ágúst, og er Vísindasmiðjan hluti af hátíðinni. Farandsýning Vísindasmiðjunnar verður jafnframt opin öllum gestum Fjölskyldu- og húsdýragarðsins þennan sunnudag. 

 

Í Vísindasmiðjunni verða í boði tilraunir, þrautir, tæki, tól, leikir og óvæntar uppgvötanir fyrir alla aldurshópa. Gestir geta meðan annars kynnst undaverðum eiginleikum ljóss, lita, hljóðs og rafmagns, teiknað listaverk með rólu, leikið á syngjandi skál, smíðað vindmyllu og margt fleira. Öll fjölskyldan getur upplifað vísindin með lifandi hætti, uppgvötað og leikið af hjartans lyst.