Það er opið alla daga í desember í Fjölskyldu- og húsdýragarðinum. Líkt og í fyrra hafa jólaljós verið sett upp um allan garð og töluvert bæst við svo nú er ævintýri líkast að ganga um garðinn í rökkrinu, njóta jólatónlistar, heimsækja dýrin og sjálfan jólaköttinn. Útigrillin verða opin fyrir þau sem vilja grilla kvöldmatinn úti í ljósadýrðinni og öllum er boðið í hringekjuna á kvöldopnunum á aðventunni. Fjölskyldu- og húsdýragarðurinn verður opinn til klukkan 20:00 fimmtudaga til sunnudaga á aðventunni, frá 27.nóvember til jóla. Hefðbundinn opnunartími er annars frá kl. 10 til 17. Það verður ókeypis inn fyrir 12 ára og yngri (í fylgd fullorðinna) á kvöldopnun (frá kl. 17 – 20 fimmtudaga til sunnudaga) og aðgangseyrir samkvæmt gjaldskrá fyrir 13 ára og eldri. Á aðfangadag, jóladag, gamlársdag og nýársdag verður opið frá klukkan 10 til 13 en þjónusta takmörkuð.
