Eyja bar nautkálfi
Kvígan Eyja bar nautkálfi á sjálfan Öskudaginn. Kálfurinn sem er fyrsti kálfur Eyju hefur hlotið nafnið Askur.
Villt dýr í hremmingum
Í garðinum dvelja nú þrír ránfuglar. Einn fálki sem fannst slasaður við Breiðafjörð og tveir ungir smyrlar sem fundust í sitthvoru lagi örmagna en báðir á Reykjanesi. Meðhöndlun þeirra og aðhlynning, þar sem lokatakmarkið er að sleppa þeim að nýju, er samstarfsverkefni dýrahirða garðsins, Dýraþjónustu Reykjavíkur og Náttúrufræðistofnunar.