Hundar sem eru stilltir og skráðir hjá sveitarfélagi eru velkomnir með í heimsókn í Fjölskyldugarðinn á miðvikudögum. Hundarnir skulu bera merki sveitarfélags á hálsól, vera fullfrískir, fullbólusettir, ormahreinsaðir og í stuttum taumi. Fylgdarfólk er beðið að koma hundum úr aðstæðum sem eru streituvaldandi fyrir fólk, hunda eða önnur dýr. Dýrin í garðinum eru misspennt fyrir hundum og því eru gestkomandi hundar ekki leyfðir innandyra og á það einkum við nú þegar vorboðar eru væntanlegir í heiminn á allra næstu dögum í fjárhúsunum. Það er lítið mál að skrá hundana sína í Reykjavík þar sem öll skráning er rafræn á www.island.is og hvetur Dýraþjónusta Reykjavíkur öll sem eiga það eftir að drífa í því.
