Tivolí Tónleikar – Emmsjé Gauti, Maron Birnir og Margrét Erla Maack

Tívolí Tónleikaröðin snýr aftur í Fjölskyldu- og húsdýragarðinn í sumar en haldnir verða fernir tónleikar fimmtudagana 9. júlí, 16. júlí, 23. júlí og 6. ágúst og þeir hefjast kl. 16:00.

Dagskráin verður sem hér segir:

Fimmtudagur 9. júlí: Emmsjé Gauti, Maron Birnir og Margrét Erla Maack

Fimmtudagur 16. júlí: Páll Óskar, Væb og Dj Dóra Júlía

Fimmtudagur 23. júlí: GDRN, Sprite Zero Klan og Dj Dóra Júlía

Fimmtudagur 6. ágúst: Bríet, Unnsteinn og Dj Dóra Júlía

Gestir eru hvattir til að mæta snemma og njóta alls þess sem garðurinn hefur upp á að bjóða fyrir tónleika, skemmta sér í leiktækjunum, heimsækja dýrin og njóta veitinga hjá Bæjarins Beztu.

Ekki þarf að greiða sérstaklega fyrir að koma á tónleikana þar sem hefðbundinn aðgangseyrir í garðinn gildir og árskort að sjálfsögðu líka.

Hlökkum til að hafa gaman með ykkur í sumar.