Líkt og undanfarin ár ætlar starfsfólk garðsins að gera hlé á námskeiðum og leiðsögnum frá 9.maí 2025 og út grunnskólaárið. Þess í stað verður boðið upp á tvær til þrjár opnar fróðleiksstundir kl. 10:15 og 11:15 hvern virka dag á tímabilinu. Á fróðleiksstundum mæta áhugasöm og fræðast um dýrin í garðinum en hvaða dýr eru tekin fyrir ræðst af veðri, stemningu og fjölda gesta hverju sinni.
Skólahópar mega láta vita af komu sinni á netfangið namskeid@husdyragardur.is en það er ekki nauðsynlegt. Opnunartími er frá kl. 10 til 17.
Aðsókn í garðinn að vori er mikil og með þessu fyrirkomulagi nær starfsfólk að þjónusta fjöldann betur en annars.
