Skráðir og stilltir hundar eru nú velkomnir með í heimsókn í Fjölskyldu- og húsdýragarðinn á laugardögum og miðvikudögum.
Til að tryggja öryggi og vellíðan allra gesta og dýra í garðinum biður starfsfólk um að eftirfarandi reglur verði virtar:
Hundar skulu vera skráðir hjá sveitarfélagi og bera merki sveitarfélags á hálsól því til staðfestingar.
Hundar skulu vera í stuttum taum og undir fullri stjórn fullorðins einstaklings meðan á heimsókn stendur.
Hundar eru ekki leyfðir inni í útihúsum eða öðrum dýrahúsum garðsins og ekki í nágrenni við refina.
Tryggja skal að hundurinn valdi ekki öðrum gestum eða dýrum ónæði.
Við hlökkum til að taka á móti hundum og eigendum þeirra og minnum á mikilvægi þess að sýna öðrum gestum og dýrum garðsins tillitssemi og auðvitað að þrífa upp eftir hundinn … alltaf.
