Tamda geitin líkist sauðkindinni að stærð þó hún sé að jafnaði léttbyggðari. Hún kom til landsins með landnámsfólkinu en virðast hafa verið fáar í upphafi og lengi framan af. Flestar voru þær í heimskreppunni á þriðja áratug 20.aldar þegar þær voru um 3.000 talsins. Þá voru það helst tekjulágar barnafjölskyldur í þéttbýli sem tóku sér geitur til að eiga mjólk handa ungum börnum. Geitin fékk þá viðurnefnið mjólkurkýr fátæka fólksins en huðnur geta mjólkað um 2 lítra á dag og þrífast á lélegra fóðri og éta minna en kýr. Geitum fækkaði síðan aftur og árið 1963 var fjöldinn kominn niður fyrir 100 geitur en þá var gripið til ráðstafana af hinu opinbera til að fjölga þeim. Árið 2020 var 1.621 geit á vetrarfóðrun á Íslandi.
